Ourense, 27 de abril de 2026. O Sergas publica as plantillas de respostas proxisionais dos exames de especialistas en enfermería pediátrica, familiar e comunitaria, traballo e matrona.
Tras a realización das probas da OPE de Sergas 2026 o pasado fin de semana en Silleda, a Consellería de Sanidade ven de publicar as plantillas dos exames dentro do apartado Oferta Persoal Estatutario 2025 na súa extranet.
Podes acceder aquí aos cadernos de respostas provisionais:
A OPE do Sergas contou cunha participación superior ao 80% nas especialidades de enfermaría. Segundo os datos da Consellería de Sanidade, a asistencia foi do 81% en Enfermaría Familiar e Comunitaria e Enfermaría do Traballo, e do 84,95% nas probas de matrona e Enfermaría Pediátrica. En total, estas categorías ofertan 260 prazas dentro dun proceso selectivo que continuará o 9 de maio coa convocatoria da categoría de Enfermaría, a máis ampla desta fase, con 1.980 prazas.
A xornada do pasado 25 de abril forma parte do proceso selectivo co que o Sergas cobre 2.476 prazas do sistema sanitario público galego durante dúas fins de semana de probas. A cita comezou o sábado, 25 de abril, cos exames das especialidades de enfermaría e de persoal de servizos xerais, e continuará o 9 de maio coa categoría de enfermaría, para a que están admitidas 8.661 persoas e se ofertan 1.980 prazas.
As persoas aspirantes poden consultar xa as plantillas provisionais de respostas e presentar alegacións a través de FIDES no prazo habilitado polo Sergas. Podes atopar aquí o modelo de reclamacións e as intruccións.