De esquerda á dereita: Carla Reyes Uschinsky, presidenta de Executivas de Galicia; a médica e ponente, Mila Pedreira; e José Luis Jiménez Martínez (vicepresidente do Colexio Oficial de Médicos de Ourense e médico especialista en medicina interna) | FONTE: COE OURENSE.
Ourense, 15 de febreiro de 2023. O pasado xoves tivo lugar a primeira das xornadas divulgativas ‘Referentes de la Medicina’ posta en marcha por Executivas de Galicia xunto coa asociación María Andrea e o Colexio Oficial de Médicos de Ourense.
Esta primeira xornada correu a cargo de Mila Pedreira Pérez, médica coordinadora da Unidade de Enfermidade Cardiovascular na Muller e coordinadora, ademais, da Unidade de Cardiooncoloxía no Complexo Hospitalario Universitario de Santiago.
Presentada por Carla Reyes Uschinsky, presidenta de Executivas de Galicia, e por José Luis Jiménez Martínez (vicepresidente do Colexio Oficial de Médicos de Ourense e médico especialista en medicina interna), Mila Pedreira impartiu unha charla baixo o título ‘Las mujeres debemos proteger NUESTRO corazón’.
A presidenta do COE Ourense, Ascensión Pérez Sampayo, acudiu a esta xornada acompañada da tesoureira da entidade, Olga Iglesias. Ambas coincidiron ao salientar o interesante da intervención de Pedreira, quen expuso os principais factores que predispoñen o infarto nas mulleres e visibilizou os principais síntomas para detectalo, diferentes aos que poidan ter os homes.
Trala intervención de Mila Pedreira, tódolos asistentes desfrutaron dun cóctel de networking. A esta seguiranlle dúas xornadas máis os vindeiros 2 e 16 de marzo, da man das doutoras en medicina e ciruxía María Graña e África González, respectivamente.