A Axencia de Doazón de Órganos e Sangue (ADOS) recibirá, o vindeiro 5 de outubro, o premio “Solidarios” na categoría de Estamento da Administración Pública que outorga o Grupo Social ONCE de Galicia.
Sala de prensa Sergas (31/07/2023) Fotografía: Sala de prensa Sergas
A Axencia de Doazón de Órganos e Sangue (ADOS) recibirá, o vindeiro 5 de outubro, o premio “Solidarios” na categoría de Estamento da Administración Pública que outorga o Grupo Social ONCE de Galicia.
A Axencia de Doazón de Órganos e Sangue quere amosar o seu agradecemento ao Grupo Social ONCE Galicia, e aos membros do xurado, a selección de ADOS como galardoado na presente edición destes prestixiosos recoñecementos. Así mesmo, quere facer extensiva esta distinción a todos e cada unha das persoas que teñen doado sangue ao longo destas tres décadas xa que, sen eles, sería imposible levar a cabo o labor da Axencia.
O xurado da presente edición dos premios “Solidarios” salientou que o labor informativo desenvolvido por ADOS, sensibilizando á poboación acerca da vital importancia da doazón de sangue, e o acceso a este xesto solidario, mediante o incremento das facilidades dadas para poder doar, teñen sido os dous eixes fundamentais que permitiron incrementar, de forma significativa, a taxa de doazón de sangue en Galicia.