A Axencia de Doazón de Órganos e Sangue e a Consellería de Cultura, Educación, Formación Profesional e Universidades desenvolverán mañá martes, 16 de maio, unha iniciativa conxunta co gallo da conmemoración, esta semana, do Día das Letras Galegas.
Sala de prensa Sergas (15/05/2023)
A Axencia de Doazón de Órganos e Sangue e a Consellería de Cultura, Educación, Formación Profesional e Universidades desenvolverán mañá martes, 16 de maio, unha iniciativa conxunta co gallo da conmemoración, esta semana, do Día das Letras Galegas.
Para isto, o departamento de Cultura do Executivo galego cedeu 500 libros que serán distribuídos durante a xornada de mañá entre todas as persoas que acudan a doar sangue, tanto nas unidades móbiles de ADOS como nos locais de atención permanente aos doantes das sete grandes cidades galegas.
Dobre obxectivo
ADOS agradece á Dirección Xeral de Cultura a realización desta iniciativa que non só fomenta a lectura en lingua galega, senón que contribúe a favorecer a creación dunha conciencia solidaria favorable á doazón de sangue na sociedade galega.
Todas as persoas que desexen doar sangue teñen a información sobre horarios e localizacións na web de ados, ados.sergas.gal; nas súas redes sociais ou ben chamando ao teléfono de información gratuíto 900 100 828, onde tamén poden resolver calquera dubida relacionada coa doazón.
A Axencia de Doazón de Órganos e Sangue convida a todos os cidadáns a doar sangue durante a xornada previa ao Día das Letras Galegas, unha data especialmente salientable e na que, nesta ocasión, ADOS súmase da man da Dirección Xeral de Cultura para agasallar a todos os doantes de sangue a súa inestimable colaboración que permite levar a cabo axeitadamente o intenso labor asistencial dos nosos hospitais.
Este portal web únicamente utiliza cookies propias con finalidad técnica, no recaba ni cede datos de carácter personal de los usuarios sin su consentimiento. Sin embargo, contiene enlaces a sitios web de terceros con políticas de privacidad ajenas a las de OCE OURENSE que usted podrá decidir si acepta o no cuando acceda a ellos.
